നീ അന്തര്‍മുഖനാവുക

നീ അന്തര്‍മുഖനാവുക
നിനക്ക് ഭ്രാന്ത്‌ പിടിക്കാതിരിക്കാന്‍
പുസ്തകക്കൂകളില്‍ നീ
തലപൂഴ്ത്തിയുറങ്ങുക
ഒട്ടകപക്ഷിയെപ്പോലെ
ഹൃദയത്തിനരുവികളെ നീ
വറ്റിച്ചു കളയുക
ഒന്നിനും സാക്ഷിയാകാതിരിക്കാന്‍
നിന്‍ മനം നീ കെടുത്തുക
അല്ലെങ്കില്‍ ഈ ഇരുട്ടറകളില്‍
നീ ശ്വാസം മുട്ടി ചാകും
അതിനാല്‍ അതിനുമുന്‍പ്‌
നീ മരിക്കുക ശാന്തമായി
നിന്റെ പേനയില്‍ നിന്ന് നീ
ആദര്‍ശത്തിന്റെ ചോര നീക്കുക
അല്ലെങ്കില്‍ നിന്റെ പേനയിലൂടെ
ചോരയൊഴുകി നീ മരിക്കും
പേനയിലെ മഴി ത്തുള്ളികളില്‍
നിന്ന് ചോര തുള്ളിയെ വേര്‍തിരിക്കുക

അന്തര്മുഖന്മാര്‍ ചിന്തിക്കുമത്രേ
നീ ചിന്തിക്കാതിരിക്കുക
കാരണം തകിടം മറിഞ്ഞ ലോകമാണ്
നിന്റെ ചിന്തകള്‍ക്ക് അന്തമില്ലാതാകും
അവ പരന്നൊഴുകി നീ മുങ്ങി മരിക്കും
മറ്റാരും മരിക്കുകയില്ല

അവരുടെ കാഴ്ച്ചവട്ടത്തിനു
ഇഞ്ചുകളുടെ പ്രതലം മാത്രം
അവ വിലക്ക് വാങ്ങാന്‍ കോടികള്‍ വേണം
അതില്ലാത്ത സ്ഥിതി ക്ക് നീ
നിന്റെ സര്‍ഗാത്മകത യില്‍ വിഷം കലക്കുക
വിഷത്തിനു നല്ല ഡിമാണ്ട് ആയതിനാല്‍
പ്രതലങ്ങളില്‍ അവ വരുന്നു .

നീ ആകാശത്തേക്ക് നോക്കരുത്
കണ്ണുകള്‍ തളര്‍ന്നു തിരിച്ചുവരും
പിന്നെ നീ ചിന്തിക്കും
അനന്തകളിലേക്ക്.......... അതാപത്താണ്!
പിന്നെ നിനക്ക് കലഹിക്കേണ്ടി വരും ......
സമൂഹത്തിന്റെ അന്തക്കേടുകളോട്.........
ചിന്തയെ ഉറക്കികിടത്തുന്ന
മതാഭാസങ്ങളോട് ......
വാണിഭ വല്‍ക്കരിക്കപ്പെട്ട
ജീവിത സമസ്തങ്ങളോട് .............

ഉറങ്ങുന്നവരുടെ ലോകത്ത്
നീ മാത്രം ഉണരരുത്
മറ്റാരെയും ഉണര്ത്തരുത്
സുഖ സുഷുപ്തിയുടെ മേലെ
നിന്റെ യജമാനന്‍ സ്ഥാപിച്ച
സാമ്രാജ്യത്വ കോട്ടകള്‍ തകര്‍ക്കരുത്
അതിനാല്‍ നീ യുരങ്ങുക
നീ അന്തര്‍മുഖനാവുക

---------------------സുധീര്‍ കെ .മുഹമ്മദ്‌

ജീവിതം എന്നാലെന്ത് ?

ജീവിതം എന്നാലെന്ത് ?
കരഞ്ഞു കൊണ്ട് തുടങ്ങി 
കരഞ്ഞു കൊണ്ട് അവസാനിക്കുന്ന ക്ളിപ്ത മായ ശ്വസോച്ച്വസങ്ങള്‍